ПРАКУЛЕВІЧ Уладзімір Міхайлавіч
(1887, в. КраснаЛукі Чашніцкага р-на – 20.08.1938), палітычны дзеяч. Скончыў Маскоўскі універсітэт (1912). З 1914 г. у Мінскім акруговым судзе. Адзін з кіраўнікоў Слуцкага паўстання 1920 г. З 1921 г. у Вільні, член прэзідыума Віленскага нацыянальнага камітэта, член замежнага ЦК партыі Беларускіх сацыялістаў-рэвалюцыянераў, у ліку 33 беларускіх нацыянальна-культурных дзеячоў высланы з Вільні. Са жніўня 1923 г. дзяржаўны сакратар урада БНР, разам з А.Цвікевічам пераехаў у Прагу. З мая 1926 г. у Мінску, працаваў у Дзяржаўнай бібліятэцы БССР. У 1930 г. арыштаваны па справе “Саюза вызвалення Беларусі” і на 5 гадоў высланы ў г. Свярдлоўск (Расія). У студзені 1938 г. зноў арыштаваны і расстраляны. Рэабілітаваны ў 1988 і 1989 гадах.
Анатоль Змітравіч Крывенка (1942, Мінск).
“Уладзімір Пракулевіч. Кіраўнік Слуцкага збройнага чыну”. 1996.
ДВП, алей. 40х30 см.
Несцярэўскі Мікалай Лаўрэнцьевіч (1931, Мінск)
"Уладзімір Пракулевіч"
Кераміка, вашчэнне. 30х15 см.
