СЕНЬКА Міхась
(02.01.1922. Новы Свержань Стаўбцоўскага р-на Мінскай вобл.). Скончыў школу сярэдняга медыцынскага персанала ў Баранавічах, працаваў кіраўніком раённай аптэкі ў Стаўбцах. У чэрвені 1944 г разам з бацькамі апынуўся ў эміграцыі. Скончыў у эміграцыі гімназію імя Максіма Багдановіча (1947). Паступіў на фармацэўтычны факультэт Украінскага тэхнічна-гаспадарчага інстытута ў Мюнхене. Універсітэт не скончыў па прычыне ад’езду ў ЗША. Працаваў на фабрыцы “Форд”. Быў сакратаром парафіі імя св. Еўфрасінні Полацкай і Беларускага Кангрэсовага Камітэта Амерыкі. Быў і застаецца прыхільнікам Беларускай Цэнтральнай Раду. Ажаніўся ў 73 гады.
У Старадарожскім мастацкім музеі захоўваецца твор:
Анатоль Змітравіч Крывенка (1942, Мінск).
“Міхась Сенька. Сябра Рады Беларуска-Амерыканскага Кангрэсовага Камітэта” 1995.
ДВП, алей. 40х30 см.
