НАБАГЕЗ Уладзімір
(20.10.1919, в. Сялец Навагрудскага р-на Гродзенскай вобл.), доктар медыцыны, сябар Рады БНР. Вучыўся ў Віленскай беларускай гімназіі. Як жаўнер польскага войска трапіў у нямецкі палон. Працаваў на гаспадарцы пад Кёнінгсбергам, а потым палонныя беларусы стварылі Беларускі Камітэт Самапомачы і наладзілі супрацоўніцтва з немцамі. Быў сябрам Беларускай Незалежніцкай Партыі. Сам У.Набагез піша: “Мяне ж запрашалі ў Беларускі легіён, які ствараўся ў Берліне, але паперы атрымаў толькі калі Чырвоная Армія падышла да сталіцы” (напэўна, маецца на ўвазе брыгада “Беларусь”, якая была створана пад эгідай Беларускай Цэнтральнай Рады). Пасля вайны вучыўся 3 гады ў Марбургскім універсітэце, закончыў універсітэт у Лювене (1951). У ЗША з 1956, займаецца медыцынскай практыкай. Старшыня нью-йоркскага аддзела Беларуска-Амерыканскага Задзіночання. Камітэтам Ушанавання ўзнагароджаны Кубкам “Спадчыны” з выявай Герба “Пагоня” (25.03.1998).
У Старадарожскім мастацкім музеі знаходзіцца твор:
Анатоль Змітравіч Крывенка (1942, Мінск).
“Партрэт доктара медыцыны , сябра Рады БНР Уладзіміра Набагеза”. 1996.
ДВП, алей. 40х30 см.
