ПЯТРУХНА Аляксей Радзівонавіч
(02.05.1939, в. Дзвіжкі Ельскага р-на Гомельскай вобл. – 06.02.1984), беларускі мастак. Скончыў Мінскае мастацкае вучылішча (1964). Працаваў у розных жанрах станкавага жывапісу і графіцы. Сярод твораў: “Маці і дзіця” (1966), “Сельскі матыў” (1969), “Юнацтва”, “Зімовая казка” (абодва 1970), “Новы мікрараён Мінска” (1971), Зямля” (1975), “У майстэрні” (1977), “Старое дрэва”, “Вячэрні горад” (абодва 1979), “Дыханне зямлі” (1980), “Вулачкі старога Мінска” (1982), “Купалава слова”, “Асеннія фарбы” (абодва 1983), Астрашыцкія матывы” (1984). Творам характэрны падкрэслена лінеарны пачатак, насычанасць колеру. У Старадарожскім мастацкім музеі захоўваюцца да 300 твораў мастака, ёсць зала, прысвечаная А.Пятрухну, дзе экспануюцца да 100 яго твораў.
Аляксей Радзівонавіч Пятрухна (1939 – 1984. Мінск).
“Аўтапартрэт”.
ДВП, алей. 31х33 см.
Уладзімір Іванавіч Слабодчыкаў.
“Медаль мастака Аляксея Пятрухны”. 1984.
Гіпс. Дм – 29 см.
