АРСЕННЕВА Наталля
(20.09.1903, г. Баку – 1997), беларуская паэтэса. Бацька паходзіў з роду Арсенневых, які па жаночай лініі даў рускага паэта М.Ю.Лермантава. З маленства жыла ў Вільні. Скончыла ў Вільні беларускую гімназію і курсы настаўнікаў беларускіх народных школ (1921), вучылася ў Віленскім універсітэце. З 1939 г. у БССР. У 1940 г. як жонка польскага афіцэра арыштавана савецкімі ўладамі і выслана ў Казахстан. У маі 1941 г. вярнулася ў Беларусь, жыла ў Мінску, супрацоўнічала ў “Беларускай газеце”. У 1944 г. эмігрыравала ў Германію, потым у ЗША. Напісала лібрэта опер “Усяслаў Чарадзей” і “Лясное возера” кампазітара М.Куліковіча-Шчаглова. Аўтар зборнікаў “Пад сінім небам” (1927), “Жоўтая восень” (з друку не выйшаў з-за вайны), “Сягоння” (1944), “Між берагамі” (1979). Вершы перыяду эміграцыі прасякнуты настальгіяй, рэлігійнымі матывамі.
“Помнік паэтцы-пакутніцы Беларусі Наталлі Арсеньневай і гімну “Магутны Божа”. 19.06.2005.
Сілумін, ліццё, граніт. 157 х 130 см.
Кіраўнік праекта Анатоль Яўхімавіч Белы.
Скульптар Анатоль Змітравіч Крывенка (1942, Мінск).
Сямён Пятровіч Герус “Партрэт паэтэсы Наталлі Арсенневай”. 1993.
Змешаная манера. 61х46 см.
